Нууцлалын бодлого

Сүүлд шинэчилсэн: 2026 оны 7 сарын 18

дэмждэгшүү (цаашид «Платформ») нь таны хувийн мэдээллийг Монгол Улсын Хувь хүний мэдээлэл хамгаалах тухай хууль болон холбогдох бусад хууль тогтоомжийн дагуу цуглуулж, боловсруулж, хамгаална. Энэхүү бодлого нь бид ямар мэдээлэл цуглуулж, юунд ашиглаж, хэнтэй хуваалцаж, та ямар эрхтэй болохыг тайлбарлана.

1.Бид ямар мэдээлэл цуглуулдаг вэ

• Бүртгэлийн мэдээлэл: Google-ээр нэвтрэхэд таны нэр, и-мэйл хаяг, профайл зураг.
• Профайл, контент: Таны Платформ дээр оруулсан танилцуулга, түвшин, нийтэлсэн контент.
• Хувийн мессеж: Бүтээгч, дэмжигч хоёрын хооронд илгээсэн мессежийн агуулга, илгээсэн цаг, оролцогчид. Мессежийг зөвхөн харилцан ярианы хоёр тал харна.
• Төлбөрийн мэдээлэл: Гишүүнчлэлийн төлбөрийг Монголд үйл ажиллагаа явуулдаг төлбөрийн үйлчилгээ үзүүлэгчид (карт, QPay) боловсруулна. Бид таны бүтэн картын дугаар, CVV-г хадгалдаггүй. Сар бүрийн давтан төлбөрийг авахын тулд төлбөрийн операторын өгсөн дахин ашиглах токен, картын сүүлийн оронтой маск,гаргагч банкны нэр, гүйлгээ баталгаажсан эсэх мэдээллийг хадгалж болно.
• Бүтээгчийн баталгаажуулалт, төлбөр авах мэдээлэл: Бид бүтээгчийн хэн болохыг баталгаажуулах, И-Баримтын мерчант болгох, орлогыг найдвартай шилжүүлэх зорилгоор дараах мэдээллийг цуглуулна — регистрийн дугаар, төрсөн огноо, албан ёсны нэр, ТТД, утасны дугаар, банкны данс ба нэр, мөн таны өгсөн контент сувгийн холбоос.
• Техникийн мэдээлэл: IP хаяг, төхөөрөмж, хөтчийн төрөл, күүки, Платформыг ашигласан үйлдэл (үзсэн контент зэрэг).

2.Мэдээллийг юунд ашигладаг вэ

• Үйлчилгээг үзүүлэх, бүртгэл, гишүүнчлэлийг ажиллуулах.
• Төлбөр хүлээн авах, бүтээгчид орлого шилжүүлэх.
• Бүтээгчийн хэн болохыг баталгаажуулах, И-Баримтын мерчант болгох, орлого татан авах үйлдлийг хамгаалах (регистр, утас, банкны нэр тохирч буйг шалгах).
• Хуулийн дагуу татвар суутгах, И-Баримт гаргах, тайлагнах.
• Аюулгүй байдал, залилан, зөрчлөөс сэргийлэх.
• Гомдол мэдүүлсэн хувийн мессежийг хянаж, дарамт, заналхийлэл, зөрчлийн талаарх гомдлыг шийдвэрлэх. Мессежийн агуулгыг зар сурталчилгаа, чиглүүлсэн агуулгад ашиглахгүй.
• Чухал мэдэгдэл, дэмжлэг үзүүлэх, Платформыг сайжруулах.

3.Мэдээллийг хэнтэй хуваалцдаг вэ

Бид таны мэдээллийг зарж борлуулдаггүй. Дараах тохиолдолд л хуваалцна:

• Төлбөрийн үйлчилгээ үзүүлэгч, банк — төлбөр хүлээн авах, орлого шилжүүлэхэд шаардлагатай хэмжээгээр.
• Татварын байгууллага — татвар суутгах, И-Баримт гаргах, тайлагнах хуулийн үүргийн хүрээнд.
• Дэд бүтэц, технологийн үйлчилгээ үзүүлэгчид — нэвтрэлт (жишээ нь Google), и-мэйл мэдэгдэл илгээх, контент/видео/зураг хадгалах, дамжуулах (видео/CDN), серверийн үйлчилгээ зэрэг зорилгоор шаардлагатай хэмжээгээр.
• Эрх бүхий байгууллага — хуулийн дагуу албан ёсны шаардлага гарсан тохиолдолд.

4.Күүки (Cookies)

Бид нэвтрэлтийг хадгалах, Платформыг зөв ажиллуулах, ашиглалтыг ойлгоход зайлшгүй шаардлагатай күүки ашиглана. Хөтчийнхөө тохиргоогоор күүкиг удирдах боломжтой ч зарим үйлчилгээ хязгаарлагдаж болзошгүй.

5.Мэдээллийг хадгалах хугацаа

Таны мэдээллийг Платформыг ашиглаж буй хугацаанд, мөн хууль (татвар, нягтлан бодох бүртгэл гэх мэт) шаардсан хугацаанд хадгална. Шаардлага дуусахад мэдээллийг устгах, эсхүл нэрийг нь халхлан ашиглана.

Хувийн мессеж. Устгасан мессежийг 30 хоногийн дараа бүрмөсөн устгана. Энэ хугацаа нь гомдол мэдүүлсэн мессежийг нотлох баримт болгон хадгалахад зориулагдсан, эс тэгвээс зөрчил гаргагч мессежээ устгаснаар хариуцлагаас зайлсхийх боломжтой болно. Гомдол мэдүүлсэн тохиолдолд манай хяналтын баг тухайн мессеж болон холбогдох харилцан яриаг уншиж шалгана.

Мессежийн хавсралт. Харилцан ярианд хавсаргасан файлыг илгээснээс хойш 7 хоногийн дараа бүрмөсөн устгана. Устгасны дараа файлын нэр л үлдэх бөгөөд мессежид «файл устсан» гэсэн тэмдэглэгээ харагдана. Хэрэв тухайн мессежид гомдол мэдүүлсэн бол хяналтын баг шалгаж дуустал файлыг нотлох баримт болгон хадгална. Энэ тохиолдолд ч харилцан ярианы талууд 7 хоногийн дараа файлд хандах боломжгүй болно.

6.Аюулгүй байдал

Бид таны мэдээллийг зөвшөөрөлгүй хандалт, алдагдал, буруугаар ашиглахаас хамгаалах зохистой техник, зохион байгуулалтын арга хэмжээг авна. Гэсэн ч интернэтэд дамжуулах аливаа мэдээллийн бүрэн аюулгүй байдлыг болзолгүйгээр баталгаажуулах боломжгүй.

7.Таны эрх

Хувь хүний мэдээлэл хамгаалах тухай хуулийн дагуу та дараах эрхтэй:

• Өөрийн тухай хадгалагдаж буй мэдээлэлтэй танилцах.
• Буруу, дутуу мэдээллийг засварлуулах.
• Мэдээллээ устгуулах (хууль шаардаагүй бол).
• Мэдээлэл боловсруулахад өгсөн зөвшөөрлөө цуцлах.
• Зөрчсөн гэж үзвэл эрх бүхий байгууллагад гомдол гаргах.

Эдгээр эрхээ эдлэхийг хүсвэл hello@demjdegshuu.com хаягаар холбогдоно уу.

8.Хүүхдийн мэдээлэл

Платформ нь 18 нас хүрсэн хэрэглэгчдэд зориулагдсан. Бид 18-аас доош насны хүнээс зориудаар мэдээлэл цуглуулдаггүй.

9.Хилийн чанад дахь дамжуулалт

Зарим үйлчилгээ үзүүлэгч (жишээ нь нэвтрэлт, видео хостинг) серверээ гадаад улсад байрлуулсан байж болзошгүй тул таны зарим мэдээлэл гадаадад боловсруулагдаж болно. Ийм тохиолдолд бид хуульд нийцсэн зохистой хамгаалалтыг хангахыг эрмэлзэнэ.

10.Бодлогод өөрчлөлт оруулах

Бид энэ бодлогыг шаардлагатай үед шинэчилж болно. Томоохон өөрчлөлтийн талаар Платформоор дамжуулан мэдэгдэнэ. Шинэчилсэн огноог энэ хуудасны дээд хэсэгт харуулна.

11.Холбоо барих

Нууцлалтай холбоотой асуулт, хүсэлтээ hello@demjdegshuu.com хаягаар ирүүлнэ үү. Мэдээлэл хариуцагч: Болжморын Дэвэлт Системс ХХК, хаяг: Улаанбаатар хот, Сүхбаатар дүүрэг, 7-р хороо, 11-р хороолол, Эрхүүгийн гудамж, 10 (шуудангийн код 14190).